Meistaramót barna í Kata 2003

Meistaramót barna í Kata 2003 fór fram 1. febrúar í Íþróttahúsi Hauka, Ásvöllum, og hófst kl. 9.30.
Fjöldi keppenda var um 300 og er þetta lang fjölmennasta karatemót ársins. Meistaramót barna í kata er haldið í fyrsta sinn í ár en var áður partur af Unglingameistaramótinu. Átta karatefélög og karatedeildir sendu keppendur á mótið. Aldur keppenda á Meistaramóti barna er 6-12 ára (f. 1990-1996). Eins og sjá má á keppendafjölda er karatestarf í miklum blóma um þessar mundir!

Að þessu sinni var reynt nýtt fyrirkomulag og var mótinu skipt í tvo hluta. Í fyrri hlutanum voru yfir 100 börn en í þeim seinni um 200. Keppt var á 4 völlum samtímis. Keppni 8 ára og yngri hófst kl. 9:30 og fyrri úrslit voru kl. 12:00. Keppni 9-12 ára hófst svo kl. 12:30 og seinni úrslit voru kl. 15:30. Margar góðar Kata mátti sjá og lögðu börnin sig öll fram í keppninni.

Sérstakar þakkir fá keppendur, dómarar, starfsmenn, liðsstjórar og foreldrar sem lögðust á eitt um að gera þetta að skemmtilegu móti og Karateíþróttinni til framdráttar.
Mótsstjóri var Gunnlaugur Sigurðsson, Haukum og yfirdómari Ólafur Helgi Hreinsson. Fá þeir sérstakar þakkir frá mótanefnd KAÍ.

Karatefélag Reykjavíkur stóð uppi sem Barnameistari félaga í Kata árið 2003 með 21 stig en gefin eru stig fyrir 1 – 3 sæti, 3, 2, og 1 stig en vægi hópkata er þrefalt. Nöfn allra sem unnu til verðlauna má lesa hér fyrir neðan auk skiptingar verðlauna og heildarstiga félaga.

.